Preguntas frecuentes

Demokratian é unha plataforma de votación e participación democrática online deseñada para organizacións de calquera tamaño: asociacións, comunidades de veciños, cooperativas, sindicatos, partidos políticos e empresas.

Con Demokratian pode organizar votacións seguras, tomar decisións colectivas e xestionar procesos participativos de forma completamente dixital, sen necesidade de reunións presenciais.

Demokratian está pensado para calquera organización que precise tomar decisións de forma colectiva e transparente:

• Asociacións e ONGs — asembleas e eleccións de xunta directiva
• Comunidades de propietarios — votacións de obras, orzamentos e normas
• Cooperativas — aprobación de contas, admisión de socios, decisións estratéxicas
• Sindicatos e colectivos — consultas a afiliados, negociacións colectivas
• Empresas — enquisas internas, decisións de equipo, voto de accionistas
• Partidos políticos e movementos sociais — primarias, referendos internos

A diferenza fundamental é a lexitimidade e a seguridade do voto:

• Censo de votantes — só botan as persoas autorizadas; non pode votar calquera coa ligazón

• Un voto por persoa — o sistema garante que cada membro só pode votar unha vez

• Trazabilidade — rexistro de auditoría completo: quen votou cando (sen revelar o contido do voto se a votación é anónima)

• Resultados con garantías — acta automática descargable, selada e verificable, que deixa constancia da decisión tomada

• Configuración xurídica — quórums, maiorías requiridas, prazos de votación e cumprimento do RGPD

En resumo: Google Forms é unha enquisa de opinión; Demokratian é unha votación con validez real.

O proceso é sinxelo e complétase en catro pasos:

1. Cree a votación — defina o título, a pregunta ou as candidaturas, o tipo de votación e o período

2. Convide aos votantes — importe o censo desde Excel ou engada os membros manualmente; e se quere, o sistema pódelles enviar a invitación por correo electrónico

3. Os membros botan — desde calquiera dispositivo, no momento que prefiran dentro do prazo

4. Obtén os resultados — ao peche, os resultados son inmediatos e pode descargar a acta oficial

Non. Demokratian funciona completamente no navegador, tanto para os administradores como para os votantes. Non require instalar ningunha aplicación nin plugin.

Os votantes poden votar desde o móbil, tablet ou ordenador con calquera navegador moderno (Chrome, Firefox, Safari, Edge).

Si. A plataforma ofrece dúas modalidades:

• Votación anónima estándar: o sistema rexistra que o membro participou, para evitar duplicidades, pero non garda ningunha relación entre a identidade do votante e o contido do seu voto: a papeleta almacénase cun identificador aleatorio. Nin o administrador da súa organización nin ningún terceiro poden saber que votou cada persoa.

• Votación dinámica (tipo debate): permite rectificar o voto mentres o debate está aberto. Durante ese tempo o sistema mantén unha asociación técnica cifrada co perfil do usuario; tras o peche e un período de seguridade de 30 días (para posibles impugnacións), os rexistros anonimízanse automaticamente e esa asociación desaparece de forma irreversible.

O que non prometemos: o segredo está garantido fronte á organización que convoca e fronte a terceiros, non fronte a quen tivese o control do servidor no mesmo instante de emitirse o voto. Demokratian, como operador da plataforma, comprométese a non acceder a esa información e así o declara nas súas condicións; é un compromiso de servizo, non unha imposibilidade técnica. Pechar ese último escenario esixiría cifrar a papeleta no navegador do votante cunha clave repartida entre interventores, e non está implementado.

A modalidade elíxese ao crear cada votación.

Voto nominal (non secreto): nalgúns plans, o administrador pode activar nunha votación concreta que cada papeleta quede unida ao nome de quen a emite. É só para os casos en que a lei ou os estatutos piden saber que votou cada membro, como un consello de administración, unha xunta de accionistas ou de socios, un padroado ou unha comunidade de propietarios. Quen vota vé o aviso con claridade antes de votar, e a relación do que votou cada persoa só a ven as persoas do censo e os administradores, nunca a páxina pública. Non se debe usar para elixir cargos nin en votacións onde o segredo protexe a quen vota.

Demokratian está deseñado coa seguridade como prioridade:

• Cifrado TLS/HTTPS en todas as comunicacións.

• Árbore de integridade: cada papeleta xera unha pegada criptográfica (SHA-256) e as pegadas combínanse ata un único selo da votación. Alterar, engadir ou quitar unha soa papeleta cambia ese selo e a manipulación queda á vista. Calquera pode recalculalo coa lista pública de votos.

• Selo de tempo dun terceiro: ao pechar o reconto, o selo envíase a unha autoridade de selado de tempo independente, que acredita que ese resultado existía nesa data. A data non a pon a plataforma.

• Separación de identidade e voto: nas votacións anónimas a papeleta gárdase cun identificador aleatorio, sen relación coa conta do votante.

• Rexistro de auditoría das accións relevantes, con marca de tempo, e portal para interventores.

• Control de acceso: só vota o censo; as ligazóns de voto son persoais e dun só uso.

O que estas medidas garanten e o que non explícase en «Que NON se pode comprobar con estas ferramentas?».

Os datos da súa organización e das votacións almacénanse en servidores situados en España, mentres que os servizos de envío de correos e infraestrutura auxiliar alóxanse en Irlanda (AWS). Toda a infraestrutura atópase dentro da Unión Europea e cumpre estrictamente co Regulamento Xeral de Protección de Datos (RGPD).

Ao darte de alta e crear o seu espazo de votacións en Demokratian, aceptas expresamente as nosas condicións legais, que inclúen o Acordo de Tratamento de Datos (DPA) regulado polo artigo 28 do RGPD. Deste xeito, a súa organización actúa como Responsable do Tratamento e Demokratian como Encargado do Tratamento, sen necesidade de trámites nin sinaturas manuais adicionais.

Pode solicitar en calquiera momento a exportación dos seus datos. En caso de solicitar a eliminación ou ao rematar o servizo, os datos se eliminarán do sistema activo e manteranse debidamente bloqueados e cifrados durante o período legalmente establecido, unicamente para atender posibles responsabilidades legais ou impugnacións, tras o cal procederase ao seu borrado definitivo.

Si. Ao confirmar o voto móstrase un código de verificación: é o identificador da súa papeleta. Gárdeo. Cando se publique a lista de votos, ao pechar o reconto, poderá pegalo no buscador desa lista e ver a súa papeleta tal e como quedou rexistrada, xunto ao seu estado de integridade.

O código é un valor aleatorio sen relación coa súa conta: que o teña vostede é o que lle permite atopar o seu voto, e que non o teña ninguén máis é o que o mantén secreto. Non o comparta.

Sen depender de ninguén, e sen necesidade de ter conta:

• Comprobe a acta que ten no seu poder. O PDF de resultados leva un código QR e un enderezo web. Ao abrila pode subir ese mesmo PDF: o sistema calcula a súa pegada dixital e dille se coincide exactamente co documento que se selou ao pechar o reconto. Se alguén cambiase unha coma, non coincidiría.

• Contraste o selo. Na páxina pública da votación aparece o selo do reconto. É o mesmo que consta na acta e o que pode custodiar unha comisión de transparencia.

• Revise a lista de votos. Publícase ao pechar o reconto, con todas as papeletas e o seu estado de integridade.

Ao pechar o reconto, o selo da votación envíase a unha autoridade de selado de tempo independente, que devolve unha marca temporal asinada por ela.

Iso acredita que ese resultado xa existía nesa data e hora, e que non se construíu despois. A data non a pon a plataforma: ponna un terceiro.

Aparece na páxina pública da votación e no portal de verificación, xunto ao selo.

Si, e ese é o obxectivo: que non faga falta crernos.

A lista de votos publica, para cada papeleta, o seu identificador, o seu contido e a súa pegada individual. Con eses datos pode refacer o cálculo completo ata chegar ao selo e comparalo co publicado.

Os pasos exactos están na propia lista de votos, no apartado Como recalcular a raíz pola súa conta?: a fórmula de cada pegada, a orde na que se combinan e como se emparellan ata obter un único valor. Só fai falta unha ferramenta que calcule SHA-256.

Convén dicilo con claridade, porque unha garantía que non se cumpre é peor que non ofrecer ningunha. O que se verifica é que as papeletas non foron tocadas desde que se emitiron, e que o resultado publicado sae delas. Non se verifica:

• Quen tiña dereito a votar. O censo decídeo a organización; a cadea non di nada sobre el.

• Un voto que nunca chegou a entrar no sistema. Compróbase o rexistrado fronte ao selado; algo que non se gardou non deixa oco visible.

• A quen corresponde cada papeleta. Iso é deliberado: os identificadores son aleatorios e independentes de quen vota.

• O que ocorra no servidor no instante de votar. Quen controle o servidor mentres a votación está aberta podería asociar votante e papeleta antes de que se rexistre. Por iso o segredo fronte ao operador da plataforma é un compromiso declarado nas súas condicións, non unha garantía criptográfica; fronte á organización e fronte a terceiros si o é.

Só que unha persoa con esa conta se identificou en Demokratian, e cando. O provedor non sabe en que organización entras nin ve nada das votacións: nin o censo, nin as papeletas, nin os resultados. Ese tratamento só ocorre se ti elixes premer o botón; con usuario e contrasinal non intervén ningún terceiro.

A cambio, Demokratian recibe do provedor o teu enderezo de correo e un identificador de conta, e úsaos unicamente para comprobar que xa estás no censo con ese mesmo correo. Google e Microsoft están certificadas no Marco de Privacidade de Datos UE-EUA, que é a base desa transferencia; detallámolo na política de privacidade.

Demokratian ofrece varios plans adaptados ao tamaño e ás necesidades da súa organización. As principais diferenzas son:

• Número de membros — cada plan ten un límite de votantes activos por organización
• Votacións simultáneas — plans superiores permiten ter varias votacións abertas á vez
• Funcionalidades avanzadas — exportación de resultados, analíticas, mensaxería interna e grupos de traballo están dispoñibles a partir de determinados plans
• Soporte — todos os plans inclúen soporte por correo electrónico; os plans superiores engaden soporte prioritario

Consulte a páxina de prezos para ver os detalles de cada plan.

Si. Ten dúas opcións para probar a plataforma:

• Plan Free (Gratuíto): Pode crear a súa conta de forma 100% gratuíta e sen límite de tempo, sen necesidade de introducir ningunha tarxeta de crédito nin datos de pagamento. Terá acceso ás funcionalidades básicas para realizar as súas votacións.

• Plans de pagamento: Se decides subscribirte a un plan superior, solicitaranse os datos de pagamento ao realizar a contratación. Non obstante, todos os nosos plans de pagamento contan cunha garantía de reembolso de 14 días: se durante as dúas primeiras semanas o servizo non encaixa co que buscas, devolvémosche o importe íntegro.

Si. Pode xestionar os cambios da súa subscrición directamente desde o seu panel de administración en calquera momento:

• Ampliar plan (Upgrade): Se necesita máis capacidade ou funcionalidades, pode elixir entre dúas opcións:

  • Cambio inmediato: O novo plan actívase no momento e comeza a computar un novo ciclo de facturación desde ese mesmo día.

  • Ao finalizar o período actual: O novo plan programado entrará en vigor de forma automática xusto cando remate o seu ciclo de facturación activo.

• Reducir plan (Downgrade): A baixada a un plan inferior ou ao Plan Free aplicarase sempre ao inicio do seguinte ciclo de facturación, permitíndoche gozar das vantaxes do seu plan actual ata que venza o período contratado.

Case. A marca branca retira a marca Demokratian da interface do teu espazo, dos correos, dos SMS e dos documentos xerados, e saca o teu sitio do directorio público. Quedan dúas excepcións que non dependen de nós:

• As mencións legais obrigatorias (aviso legal, condicións, privacidade, cookies e accesibilidade), accesibles desde o pé de todas as páxinas: identifican a quen presta o servizo.

• A pantalla de consentimento de Google e Microsoft, se o teu sitio ofrece o acceso con esas contas: alí aparece «Demokratian», porque os provedores non permiten personalizala por sitio. Por iso, ao activar a marca branca, ese acceso queda desactivado por defecto; podes volver activalo na configuración do sitio se prefires a comodidade á discreción.

O cobramento realízase de forma mensual, sen compromisos de permanencia. Por cada cobramento recibirá de xeito automático a factura correspondente, totalmente válida para a contabilidade da súa organización.

O pagamento das subscricións realízase de forma en liña e segura a través da nosa pasarela de pagamentos integrada, que admite as principais tarxetas de crédito e débito (Visa, Mastercard, American Express) e outros métodos dixitais rápidos (como Apple Pay ou Google Pay, segundo dispoñibilidade). O cargo procésase automaticamente ao inicio de cada período mensual.

Se necesita contratar un plan A medida (On Demand) ou un desenvolvemento personalizado, dispoñemos da opción de pagamento mediante transferencia bancaria. Contacte connosco para máis detalles.

Si. Pode cancelar a súa subscrición desde o panel de administración en calquera momento, sen permanencia nin penalizacións.

• Período activo: Ao cancelar, seguirá gozando das vantaxes do seu plan ata o final do período mensual que xa pagou.

• Tras o vencemento: O seu espazo pasará a estar inactivo (ou volverá ás condicións do Plan Free). Disporá dunha marxe para consultar ou exportar os seus datos e censos.

• Conservación legal de datos: Transcorrido este período de graza, os datos activos da subscrición eliminaranse do contorno de traballo e manteranse bloqueados e cifrados durante o período legalmente establecido (unicamente accesibles para atender posibles impugnacións ou requirimentos legais), tras o cal se procederá ao seu borrado definitivo.

Unha votación é o proceso principal de Demokratian. Consiste en formular unha ou varias preguntas a un grupo de persoas (o censo) para que cada unha emita a súa resposta (voto) dentro dun prazo establecido.

Pode ser unha elección entre candidatos, unha aprobación por si/non, unha clasificación por preferencias ou unha consulta de opción múltiple.

O censo é a listaxe de persoas autorizadas para votar nunha votación concreta. Só as persoas incluídas no censo poden emitir o seu voto.

Pode xestionar o censo importando unha folla Excel, engadindo membros manualmente ou sincronizando co directorio de membros da súa organización.

O quorum é o número mínimo de votos que deben emitirse para que a votación sexa válida. Se non se acada o quorum, a votación non produce efectos aínda que haxa unha maioría clara.

En Demokratian pode configurar o quorum como porcentaxe do censo ou como número absoluto de participantes, segundo o que establezan os seus estatutos.

Si, o sistema xestiona a comunicación do seu proceso de principio a fin. Se o seu plan o permite, pode lanzar convocatorias masivas a todo o seu censo electoral e programar recordatorios automáticos dirixidos exclusivamente a quen aínda non exercese o seu voto.

Ademais, dispós dun panel de seguimento de entregas en tempo real onde poderá verificar que correos se entregaron correctamente e detectar posibles rebotados antes de que remate a votación.

Totalmente. En función do plan que collas, pode personalizar o contorno de votación para que reflicta ao 100% a identidade visual da súa organización:

• O seu propio dominio ou subdominio (p. ex. votos.miorganizacion.org).

• O seu logotipo, favicon e cores corporativas.

• Enderezo de correo emisor personalizado.

Para os seus votantes, a experiencia será completamente nativa: estarán votando dentro da súa propia web institucional con total confianza.

Engade unha capa adicional de protección blindada solicitando un segundo factor de verificación (código temporal ou SMS) ao iniciar sesión, ademais do contrasinal habitual.

É unha función altamente recomendada para procesos de alto impacto (eleccións sindicais, xuntas directivas, modificacións estatutarias), garantindo que ningunha conta comprometida poña en dúbida a validez do resultado.

Os grupos de traballo son subconxuntos de membros dentro da súa organización que colaboran en proxectos ou áreas específicas. Pode crear votacións ou consultas dirixidas só aos membros dun grupo concreto.

Esta funcionalidade está dispoñible en plans intermedios e superiores.

É un espazo exclusivo para que auditores, notarios, sindicatos ou comisións electorais supervisen a transparencia do proceso en tempo real sen poder alterar ningún dato.

• Máxima garantía legal: Facilita a auditoría continua que esixen os estatutos ou a normativa vixente.

• Acceso seguro e independente: Permite a fiscalización externa sen necesidade de compartir credenciais de administración.

Si. Cada proceso electoral conta coa súa propia landing page con URL independente, imaxe de portada, cabeceira explicativa e tradución multilingüe automática.

Pode configurar se desexa amosar as candidaturas con antelación, se os resultados serán públicos ao finalizar ou se prefires destacar a votación na portada do seu portal. É a vitrina ideal para dar difusión a procesos participativos, orzamentos abertos ou consultas cidadás.

A acta de votación é o documento oficial que Demokratian xera automaticamente ao peche de cada proceso. Funciona como evidencia dixital e soporte documental das decisións adoptadas e inclúe:

• Datos do proceso: Título, período de votación, preguntas formuladas ou candidaturas.

• Métricas de participación: Número total de persoas con dereito a voto (censo) e porcentaxe de participación.

• Resultados: Desagregación detallada do reconto de votos.

• Validación de regras: Verificación automática de quorum e maiorías requiridas.

• Integridade e auditoría criptográfica: Inclúe a raíz de Merkle (pegada dixital criptográfica do proceso), selada ao peche por unha autoridade de tempo independente. Calquera pode recalcular o reconto coas papeletas publicadas e comprobar que a votación non foi alterada despois.

A acta descárgase en formato PDF, selada e verificable, e serve de soporte documental das decisións tomadas en asembleas, xuntas ou auditorías internas.

Se o seu proceso electoral require tomar varias decisións consecutivas ou celebrar distintas roldas de votación, as series permítenlle encadealas nun único fluxo de traballo sinxelo para o usuario.

• Experiencia fluída: O votante ve unha barra de progreso visual e, ao completar unha votación, a plataforma diríxeo automaticamente á seguinte.

• Sen dispersión: Evite coordinar ligazóns independentes por correo electrónico ou perder participación entre roldas.

Non todas as decisións se toman baixo o principio de "unha persoa, un voto". Coa función de voto ponderado, pode asignar un valor ou coeficiente distinto a cada categoría de votante (p. ex. accionistas segundo a súa porcentaxe de capital, representantes con distinto número de delegacións, ou socios fundadores).

A plataforma aplica estes pesos de forma automática e instantánea durante o reconto. É a solución perfecta para:

• Xuntas de accionistas e decisións corporativas.

• Cooperativas e comunidades de propietarios.

• Colexios profesionais e federacións.

Adaptámonos ás normas de elección da súa organización. En lugar de impoñerche un único modelo, pode elixir entre múltiples sistemas de reconto:

• Voto simple ou múltiple: Elección estándar marcando unha ou varias opcións.

• Métodos Borda e Dowdall: Clasificación por orde de preferencia para buscar consenso.

• Voto Único Transferible (VUT): Sistema proporcional avanzado para a elección de múltiples cargos.

• Enquisas e debates: Ferramentas para sondar a súa comunidade ou debater propostas antes da votación formal.

A plataforma realiza o cómputo de xeito automatizado e xera actas públicas con total transparencia algorítmica.